రిసెర్చ్ కు బెస్ట్, కెరీర్ కు బూస్టు & ఇండియా లో టాప్ పెలోషిప్ వివరాలు: విద్యా నైపుణ్యాలను వెలికితీసేది రీసెర్చ్లే.. అలాంటి ఔత్సాహికులను ప్రోత్సహించేందుకు పలు సంస్థలు ఫెలోషిప్ను అందజేస్తున్నాయి. రిశోధనలను ప్రోత్సహించేందుకు అనేక ప్రభుత్వ, ప్రైవేటు రంగ సంస్థలు ప్రతిభావంతులైన విద్యార్థులకు ఫెలోషిప్ ఆఫర్ చేస్తున్నాయి
ఆయా రంగాల్లో రిసెర్చర్ల (Research)ను ప్రోత్సహించేందుకు ప్రతి నెలా స్టైపెండ్ (Stipend) అందజేస్తున్నాయి. ఈ ఫెలోషిప్ ప్రొగ్రాంల ద్వారా నాణ్యమైన విద్యను అభ్యసించడానికి విద్యార్థులకు ఆర్థిక చేయూత ఉంటుంది. ప్రస్తుతం ప్రపంచ వ్యాప్తంగా రీసెర్చ్ స్కాలర్ల కొరత వేధిస్తోంది. ఈ నేపథ్యంలో అందిస్తున్న ఫెలోషిప్ వివరాలు ఇలా ఉన్నాయి
గూగుల్ పీహెచ్డీ ఫెలోషిప్ ప్రోగ్రామ్: టెక్ దిగ్గజం గూగుల్ కంప్యూటర్ సైన్స్ విభాగంలో పరిశోధన చేస్తున్న విద్యార్థులను ప్రోత్సహించేందుకు ఫెలోషిప్ అందజేస్తుంది. కంప్యూటర్ సైన్స్ (Computer Science), సంబంధిత రంగాల్లో పరిశోధన చేస్తున్న విద్యార్థులను ఎంపిక చేసి, వారికి పీహెచ్డీ ఫెలోషిప్ను ఆఫర్ చేస్తోంది. పరిశోధన సంబంధిత కార్యకలాపాల కోసం నాలుగేళ్ల వరకు ప్రయాణ ఖర్చులతో సహా రూ. 36 లక్షలు అందజేస్తుంది. అంతేకాదు, వారిని గూగుల్ రిసెర్చ్ మెంటర్స్గా నియమిస్తుంది
ఐసీఎంఆర్ సెంటెనరీ-పోస్ట్ డాక్టోరల్ రిసెర్చ్ ఫెలోషిప్ స్కీమ్
రిప్రొడెక్టివ్ హెల్త్, బేసిక్ సైన్స్ (Basic Science): కమ్యూనికేబుల్ డిసీజెస్, న్యూట్రీషియన్ అంశాల్లో రిసెర్చ్ను ప్రోత్సహించేందుకు ఐసీఎంఆర్ సెంటెనరీ పోస్ట్ డాక్టోరల్ రిసెర్చ్ ఫెలోషిప్ స్కీమ్ను ప్రారంభించింది. పీహెచ్డీ, ఎండీ, ఎంఎస్ డిగ్రీ హోల్డర్లకు మద్దతు ఇవ్వడమే ఈ ఫెలోషిప్ ప్రధాన లక్ష్యం. అభ్యర్థులు పీహెచ్డీ(PhD), ఎండీ, ఎంఎస్ పూర్తి చేసిన మూడు సంవత్సరాల తర్వాత ఈ ఫెలోషిప్ కోసం దరఖాస్తు చేసుకోవాలి. ఈ ఫెలోషిప్ కోసం దరఖాస్తు చేసుకునే అభ్యర్థుల వయస్సు 32 ఏళ్లలోపు ఉండాలి. ఎంపికైన అభ్యర్థులకు ప్రతినెలా రూ.50,000 ఫెలోషిప్ అందజేస్తారు.
నేషనల్ పోస్ట్-డాక్టోరల్ ఫెలోషిప్: ఏదైనా గుర్తింపు పొందిన విశ్వవిద్యాలయం నుంచి పీహెచ్డీ, ఎండీ, ఎంఎస్ డిగ్రీ పూర్తి చేసిన విద్యార్థులకు కేంద్ర ప్రభుత్వం నేషనల్ పోస్ట్-డాక్టోరల్ ఫెలోషిప్ను ఆఫర్ చేస్తోంది. ఎంపికైన విద్యార్థులకు ప్రతినెలా రూ. 55,000 ఫెలోషిప్తో పాటు, ఇతర ప్రయోజనాలంటాయి. సంవత్సరానికి రూ. 2 లక్షల రిసెర్చ్ గ్రాంట్ (Research Grant)ను కూడా గెలుచుకునే అవకాశం లభిస్తుంది.
యూజీసీ నెట్ జూనియర్ రిసెర్చ్ ఫెలోషిప్: యూజీసీ నెట్ జూనియర్ రిసెర్చ్ ఫెలోషిప్ (Junior Research Fellowship) 30 సంవత్సరాల కంటే తక్కువ వయస్సు ఉన్న విద్యార్థులకు అందజేస్తుంది. ఈ స్కాలర్షిప్కు దరఖాస్తు చేసుకునే అభ్యర్థులు కనీసం 55 శాతం మార్కులతో మాస్టర్స్ డిగ్రీ పూర్తి చేసి ఉండాలి. యూజీసీ నెట్ పరీక్షను ప్రతి ఏటా రెండుసార్లు నిర్వహిస్తారు. పరీక్షలో ఉత్తీర్ణులైన వారికి నెలవారీ గ్రాంట్ కింద రూ. 14 వేలు అందజేస్తారు. అదనంగా ప్రతి సంవత్సరం రూ. 25 వేలు ఎమర్జెన్సీ అలవెన్స్ కూడా అందజేస్తారు.
ప్రైమ్ మినిస్టర్ రిసెర్చ్ ఫెలోషిప్ (PMRF): పరిశోధన రంగంలో పనిచేస్తున్న ప్రతిభావంతులకు కేంద్ర ప్రభుత్వం పీఎంఆర్ఎఫ్ మంజూరు చేస్తుంది. ఐఐటీలు, ఐఐఎస్సీల్లో పీహెచ్డీ చేస్తున్న 1000 మందిని ఎంపిక చేసి ఈ ఫెలోషిప్ ఆఫర్ చేస్తుంది.
ఈ ఫెలోషిప్ కింద ఎంపికైన అభ్యర్థులకు ప్రతినెలా రూ.75,000 మంజూరు చేస్తారు పిహెచ్డి, ఎంటెక్ స్కాలర్ (MTech Scholars)లు కూడా ఈ స్కీమ్ కింద ప్రయోజనం పొందడానికి అర్హులు.
కోడ్ ఇండియా ఫెలోషిప్: సమాజంలోని అణగారిన వర్గాల విద్యార్థులకు ఆర్థిక సాధికారత కల్పించేందుకు కోడ్ ఇండియా ఫెలోషిప్ను ఆఫర్ చేస్తోంది. ఈ ఫెలోషిప్ చిన్న పిల్లలకు ప్రోగ్రామింగ్ లేదా కోడింగ్ పాఠాలు నేర్పడానికి అభ్యర్థులను ఎంపిక చేస్తుంది. ఎంపికైన విద్యార్థులకు ఇంటర్న్షాలా ద్వారా ఆరు నెలల పాటు జావా, జావాస్క్రిప్ట్, పైథాన్, సి ప్రోగ్రామింగ్, సి++ ప్రోగ్రామింగ్ గురించి అవగాహన కల్పిస్తుంది. ఈ సమయంలో అభ్యర్థులకు నెలకు రూ.25000 స్టైఫండ్ అందజేస్తుంది.
మ్యాథ్స్ ఎడ్యుకేషన్ రిసెర్చ్ ఫెలోషిప్: గణితంలో రిసెర్చ్ను ప్రోత్సహించేందుకు మ్యాథ్స్ ఎడ్యుకేషన్ (Math Education) రిసెర్చ్ ఫెలోషిప్ ఆఫర్ చేస్తోంది. అసెస్మెంట్లు/వర్క్షీట్ల కోసం కంటెంట్ను డెవలప్ చేయడం, కన్సల్టింగ్ ప్రాజెక్ట్లను అమలు చేయడం, సోక్రటిక్ డైలాగ్లను ఎగ్జిక్యూట్ చేయడం, గణితశాస్త్రం గురించి కథనాలను చదవడం, రాయడం వంటి అసెస్మెంట్ల ద్వారా ఫెలోషిప్కు అభ్యర్థులను ఎంపిక చేస్తారు. మొత్తం ఆరు నెలల వ్యవధి గల ఈ ఫెలోషిప్ కింద నెలకు రూ. 4000 నుంచి రూ. 6000 స్టైఫండ్ అందజేస్తారు
Comments
Post a Comment